Es livru nanse di un spasu y di un tenpu. E nanse di Vale da Amoreira, bairu ki foi labantadu na Marjen Sul di Teju, entri sidadi y fábrika, entri kanpu y mar. E nanse nes mumentu ki markas di pasadu kolonial ta kontinua ta trabesa, di forma invizivel, mas pirsistenti, manera komu nu ta odja pa bairus, pesoas y stórias ki ta abita periferias urbanu. Nun país undi dibati sobri eransa kolonial ta kontinua frikuentimenti silensiadu, y undi periferias e tratadu komu prublemas pa rizolve, es livru ta prupoi un narativa ankoradu na vozis di ken ki ta mora na tiritoriu y ki ta rikonhese valor di saberis konstruidu na vizinhansa, na asosiasons, na skolas y na spasus públiku. Un narativa ki ta afirma ki direitu a sidadi e inseparavel di direitu a mimória, a diginidadi y a djustisa.

Bairus sima Vale da Amoreira e kuazi senpri difinidu pa akilu ki ta falta-s: abitason diginu, ikipamentus, suguransa, “integrason”. Es e riprizentadu komu tiritorius di marjen, abitadu pa “subsidadon”, asosiadus a pobreza, konsumu di droga, a violensia. Lugaris undi, pa txeu genti, “ka ta entradu”. Es livru ta prupoi un oliar diferenti. Sen nega karensias, e ta odja es bairus komu spasus xeiu di stória — y di stórias. Stórias di migrason, di sobrivivensia, di trabadju, di kudadu y di luta. Stórias di ken ki ben di Norti rural y di Alenteju, di ken ki txiga di antigus kolonia na tenpu di diskolonizason, di ken ki trabesa fronteras y kulturas pa djobe un vida midjor. Stórias k’e tanbe Stória di Purtugal, mesmu oki ta insistidu na koloka-s na marjen.

[PT] Este livro nasce de um espaço e de um tempo. Nasce do Vale da Amoreira, bairro que foi erguido na margem sul do Tejo, entre cidade e fábrica, entre campo e mar. E nasce num momento em que as marcas do passado colonial continuam a atravessar, de forma invisível, mas persistente, a maneira como olhamos para bairros, pessoas e histórias que habitam as periferias urbanas. Num país onde o debate sobre a herança colonial continua frequentemente silenciado e onde as periferias são tratadas como problemas a resolver, este livro propõe uma narrativa ancorada nas vozes de quem vive no território e que reconhece o valor dos saberes construídos na vizinhança, nas associações, nas escolas e nos espaços públicos. Uma narrativa que afirma que o direito à cidade é inseparável do direito à memória, à dignidade e à justiça.

Bairros como o Vale da Amoreira são quase sempre definidos por aquilo que lhes falta: habitação digna, equipamentos, segurança, “integração”. São representados como territórios de margem, habitados por “subcidadãos”, associados à pobreza, ao consumo de droga e à violência. Lugares onde, para muitas pessoas, “não se entra”. Este livro propõe um olhar diferente. Sem negar as carências, olha para estes bairros como espaços cheios de história — e de histórias. Histórias de migração, de sobrevivência, de trabalho, de cuidado e de luta. Histórias de quem veio do Norte rural e do Alentejo, de quem chegou das antigas colónias no tempo da descolonização, de quem atravessa fronteiras e culturas em busca de uma vida melhor. Histórias que são também História de Portugal, mesmo quando se insiste em colocá-las à margem.

Coordenação: Elsa Peralta

Fotografias: Bruno Simões Castanheira

Tradução para caboverdiano: Max Ruben Ramos

Layout gráfico, capa e paginação: André Luz

Fora de Jogo (2026)